HTS John Vorster het al die jare aan die boonste Noord-Transvaalse Rugbyskoleliga deelgeneem. Dit was die jare waar liga-uitdunne in Pretoria volgens sterkte gegroepeer was. Gedurende daardie tydperk was JV’s, soos vandag nog, deel van die boonste groepering wat bekend was as die A-bond skole. In die tyd van die bondeliga het skole van bond verskuif na gelang van die prestasie op jaarlikse basis. Vandag neem JV’s steeds deel aan die A-Bond, maar dit staan bekend as die Makro-Skoleliga, wat bestaan uit net die sterkste, uitgesoekte skole in Pretoria.
In 1974 wen JVs se eerstespan die destydse Administrateursbeker met later in die 90’s, die naam Direkteurstrofee en later as die Beeldtrofee bekend gestaan het. Vandag staan dit bekend as die Virseker Beker. In die jaar 2000 speel JV’s se eerstespan vir ‘n tweede keer in die eindstryd, maar dié keer om die huidige Beeldtrofee. Met ‘n naelskraaptelling wen JV’s die silwer medalje op ons tuisveld teen Hoërskool Ermelo. Springbok Jacques Cronjé, was in die wedstryd die JV-kaptein en ook die enigste speler uit al Pretoria se bekendste rugbyskole, wat vir die SA-skolespan in 2000 gekies word.’