Dissipline in 'n Neutedop

Hierdie dokument moet altyd aan die hand van die Leerdergedragskode soos op die skool se webbladsy gelees word.

Vir ouers om te weet

1. Kontroleer daagliks u kind se positiewe en negatiewe punte op die D6-toep. Maak bemoeienis met u kind rakende sy/haar inskrywings.
2. Die positiewe en negatiewe stelsels werk afsonderlik van mekaar.
3. Vlak 1- en 2-oortredings is waar reme­diëring toegepas word.
4. Vlak 3- en 4-oortredings lei tot opvoedkundige gesprekke en in ernstige gevalle 'n tribunaal.
5. Punte­toekennings per oortreding:
   Vlak 1
   −1 punt

   Vlak 2
   −2 punte

   Vlak 3
   −3 punte

   Vlak 4
   −4 punte
6. Enige navraag oor 'n vlak 1-oortreding moet aan die persoon gerig word wat die inskrywing toegeken het. Vir vlak 2-, 3- en 4-oortredings moet die dissipline­kantoor gekontak word.
7. Met vlak 3- en 4-oortredings word ouers per uitnodiging genooi vir 'n opvoedkundige gesprek / tribunaal saam met die Beheerliggaam se dissiplinêre komitee. Sanksies, wat streng nagekom moet word, kan aan 'n leerder toegeken word.
8. Indien 'n ouer 'n skriftelike uitnodiging na BL-gesprekke kry, en die ouer woon nie die vergadering by nie (sonder verskoning by die dissiplinekantoor), sal die vergadering voortgaan sonder die ouer en leerder se teenwoordigheid en verdere stappe — bv. 'n kontrak t.o.v. verdere toelating — kan geneem word.

Belangrik: 'n Leerder kan enige tyd na 'n tribunaal genooi word — afhangende van die erns van die oortreding.

Hoe werk die 4-vlakstelsel?

Laai die volledige dokument af